Help
Sign In
HYD, Absolon, they gilte tresses clere; Ester, ley thou thy meknesse al a-doun; Hyd, Jonathas, al thy frendly manere; Penalopee, and Marcia Catoun, Mak of your wyfhod no comparisoun; Hyde ye your beautes, Isoude and Eleyne, Alceste is here, that al that may desteyne. Thy faire bodye, let hit net appere, Lavyne; and thou, Lucresse of Rome toun, And Polixene, that boghte love so dere, Eek Cleopatre, with al thy passioun, Hyde ye your trouthe in love and your renoun; And thou, Tisbe, that hast for love swich peyne: Alceste is here, that al that may desteyne. Herro, Dido, Laudomia, alle in-fere, Eek Phyllis, hanging for thy Demophoun, And Canace, espyed by thy chere, Ysiphile, betrayed with Jasoun, Mak of your trouthe in love no boft ne soun; Nor Ypermistre or Adriane, ne pleyne; Alceste is here, that al that may desteyne.
